《愛回家之開心速遞》

喺4月遭受離巢“三連擊”

繼“紅杉魚”蘇韻姿離巢後

近日又有重要角色嘅藝人

傳出將會離巢

首先“接龍IT部”再走一人

飾演“CPU”嘅譚坤倫

喺社交平台宣布離巢

同劇中情侶gigi

難離難舍說再見

而上周

《愛回家》宣傳活動中

“細龍總”鄭世豪缺席

佢嘅“家姐”龍家大小姐林淑敏

亦親證鄭世豪已約滿

其實喺月初

鄭世豪就被報道即將約滿

並且冇續約嘅打算

佢本人亦冇否認

現在官網下架佢嘅藝人資料

正式宣告鄭世豪會離巢

對此

林淑敏就表示尊重佢嘅選擇

而且對鄭世豪嘅歌喉好有信心

建議佢試下發展歌唱事業

同佢好多對手戲嘅

“送水輝”許家傑

就好唔舍得“細龍生”

不過佢都係力撐鄭世豪

去外面闖闖、向歌壇發展

/////

大家可能唔記得

鄭世豪曾參加

TVB全球華人新秀歌唱比賽

後來先加入無線藝員訓練班

出道做藝人

啱入行時就喺《皆大歡喜》

呢部劇中飾演咗23個角色

一直以來

佢演嘅角色都不愠不火嘅

直到飾演《愛回家》嘅“細龍生”

才有被人記得嘅入屋角色

鄭世豪一直都在演戲

其實佢冇放棄唱歌

近年參加過《星夢傳奇》

仲一舉奪得比賽亞軍

出咗一個專輯《仍堅持》

佢曾透露“細龍生”呢個角色

爲自己提供咗收入保障

從而有機會追逐歌手夢

但依家被證實要離巢

大家就推測係薪資冇傾掂

或者外面有更吸引嘅機會

//////

喺《愛回家》中

鄭世豪作爲”二太“嗰仔

對媽媽言聽計從

爲咗爭家産用盡衰橋

仲鬧出不少笑話

而在戲外

鄭世豪亦係個孝順仔

對飾演“二太”嘅蘇恩磁

平日裏照顧有加

鄭世豪嘅媽媽住院

蘇恩磁亦會陪鄭世豪

接媽媽出院

兩人friend到好似家人一樣

去年

鄭世豪嘅媽媽離世

佢接受采訪時痛哭說

好後悔工作太忙

冇多啲陪媽媽和屋企人

//////

其實

《愛回家之開心速遞》呢套劇

唔單講述咗兩個家族嘅故事

連劇組演員都好似一家人咁

所以讓觀衆覺得好溫馨

隨著“龍家”“熊家”兩位細佬妹

蘇韻姿、鄭世豪嘅出走

網友調侃《愛回家》

可以改名《愛離家》

不過大家最關心嘅

仲係劇情會點樣走落去

爲咗龍家可以繼續爭家産

“三太”嗰仔Joe即將回歸

而“風少”似乎要反大小姐

根據此前劇情

Joe一直在外國留學

雖然成日出現喺“三太”口中

但就未真正蒲頭過嘅

有傳言話Joe將會由

TVB力捧小生丁子朗出演

另外，仲有新人會加入劇組

例如前港姐冠軍林钰洧

加盟“接龍初戀Cafe”做侍應

今屆落選“港姐”郭珮文

早前現身飾演潮偉秘書Rose

重現《新聞女王》拉鏈一幕

似乎要掀起“最強body”之爭

anyway

正如“送水輝”（許家傑飾）講嘅

有人進進出出

先至有新鮮感

等我哋期待一下

《愛回家》嘅新劇情啦

來源：可樂生活Color微信公衆號

編輯：張子殷

審核：曾敏妍

簽發：駱蘋