現年38歲的高鈞賢（Matthew）近年主力在內地發展，甚少回香港公開露面，直到去年年底在TVB劇集《法證先鋒V》中飾演反派「張世熙」再次受到香港觀衆矚目，更憑出色演出獲提名「飛躍進步男藝員」。高鈞賢昨日（19日）出席「TVB賽馬日」，闊別多年再以TVB藝員身份出活動，他笑言之前一直在內地未有通關，因此一通關就回來：「好開心可以兩邊走！」

高鈞賢形容自己21歲時剛剛當選香港先生入行的自己猶如一張白紙，經常獲委派飾演不適合自己的角色，所以都有不少出到來效果不好的時候，近年在內地累積不少拍劇經驗的他表示，在內地打拼的經驗令他獲益良多：「我出咗去內地幾年摸索過，喺內地要爭取一個角色可能要面試好多次，合合埋埋六年可能二三百次都有！所以就會知道咩角色會比較適合自己。」

他表示內地劇組對于演員的發音比較挑剔，如果講普通話不夠標准則隨時被叮走：「我上去慨時候，渠哋開始要求普通話要好標准，所以好多時就算渠哋覺得個角色好適合你、好想用你，但你普通話唔夠標准，就冇得用你。但畢竟我系闖上去，唔系憑一個好深刻慨角色而北上，而系自己爭取機會，雖然會比較辛苦，但會得到更加多。」

高鈞賢表示三月將會開拍TVB新劇《新聞女王》，所以預計之後會在長時間逗留香港，現時拍劇會盡量篩選角色，盡可能演一些自己未嘗試、有新鮮感過的角色：「例如《法證先鋒V》（演反派）啦，同之後一套慨《一舞傾城》，我系做一個20幾歲慨大學生，我都好鍾意去挑戰一下，就算壞人、搞笑，唔一定要戲份好多慨，有發揮就可以啦！」

據悉，由鍾澍佳監制的《新聞女王》被視作TVB的重頭劇，集齊佘詩曼、李施嬅、馬國明、譚俊彥、高海甯等「大卡士」大鬥戲。被問到下個目標會否是在《萬千星輝頒獎典禮》上沖擊獎項，他笑言：「我唔會好強求（獎項），得到觀衆認可系最大，獎項有就有，冇就繼續做好慨工作！好多人都記得我系『香港先生』，希望我會做到啲代表性慨嘢！」