前幾日嘅年初五就比較特別

除咗接財神之外

大家仲接埋“男神”

事關嗰日又係西方情人節

而“最佳女配角”高海甯

就趁住情人節前一日

公開自己“懷三胎”

查實係佢參演一套小短劇

由“新聞女王”變身“甄嬛傳”

喺裏面同張雨绮上演

清朝宮鬥戲

高ling魅惑嬌豔嘅外形

襯起清朝宮廷華服真係一絕

同“許詩晴”一樣

一登場就吸引曬大家眼球

喺短劇中

高ling宣布自己又有咗B

嗰份自信傲嬌激到搭檔飚煙

觀衆覺得佢真係好適合

演翻套正正式式嘅宮鬥劇

▓▓▓▓▓▓▓▓▓▓▓░░░░努力加載中……

話說高海甯喺《新聞女王》中

以驚人演技&標青造型出圈後

商業、戲約、代言多到不得了

最近佢都話自己

啱好接拍咗一套新劇《武林》

聽個劇名就似係古裝啦

高ling仲透露

自己喺新劇中飾演“打女”

希望借住“最佳女配角”嘅好勢頭

喺龍年繼續沖沖沖

當有人八卦起

佢會唔會有意沖“視後”嘅時候

高ling就謙虛話

先做好眼前嘅工作先

“視後”要等Timing嘅

佢仲透露

自己中意咗一個劇本

希望可以將佢拍成作品

but劇本中個角色有精神分裂

所以演起來佢都有啲驚驚哋

佢更自曝自己之前

經曆過情緒困擾

幸好依家已經走翻出嚟

希望用呢類作品

呼籲大家關注精神健康

//////////

有顔有演技

謙虛又有大愛嘅高海甯

真係好值得大家中意

今日人人生日

希望大家萬事如意

新一年做個又靓

又得人中意嘅叻叻豬

來源：可樂生活Color微信公衆號

編輯：張子殷

審核：曾敏妍

簽發：駱蘋