“港姐亞軍”王卓淇Erin

離巢後就經常喺社交平台

分享自己吃喝玩樂同工作日常

近日，佢自爆拍劇片酬

引起廣大吃瓜網友嘅討論

近年嚟短劇市場勁火爆

吸引咗唔少藝人參與

王卓淇近排受邀客串

舊同事何君成投資嘅短劇

兩人早前喺TVB就有合作

喺《我瞞結婚了》中

搭檔演過一pair

//////

初嘗短劇拍攝嘅Erin

好似幾激動下

嗱嗱臨同網友分享

對比短劇同TVB正劇收入

仲爆出多條短劇市場內幕

首先

佢就透露拍攝短劇片酬

直言大部分短劇成本

一般只有幾百蚊一集

但喺TVB時可以攞到

一千到幾千蚊一集

順便幫老東家TVB平反

極力否認TVB片酬

不如內地嘅傳聞

但後面佢又講到

短劇會6日拍90集

而TVB正劇至少3個月先拍完

一套劇集嘅集數又冇咁多

網友就認爲兩樣嘢可比性不大

雖然人工冇TVB多

但Erin就覺得

拍短劇輕松又好玩

如果對白出錯

仲可以靠後期剪輯

而且短劇嘅拍攝時間短

一次過可以拍好多套

所以之後佢都想多嘗試

//////

王卓淇喺2014年

以“港姐亞軍”出道

雖然從蔡思貝手上接過後冠

但就好似冇接到佢嘅人氣

出道後一直冇受力捧

之前有參演過幾部劇

比如《十二傳說》《逆天奇案》等

大部分都只係演配角

所以3年前佢就選擇“離巢”

去更大嘅世界睇睇

最終就翻內地發展

離巢後嘅一段時間

Erin就喺社交平台

大呻因爲冇錢而離巢

更透露自己入職咁多年

人工從7千到一萬幾

難以維持佢嘅“港漂”生活

但對于呢種行爲

當時就有網友質疑佢

靠爆前東家大镬吸引粉絲

不過Erin就解釋自己

只係有問必答

並冇抹黑TVB嘅意思

仲即時話TVB就好似學校咁

好慶幸自己可以加入TVB

雖然經曆過迷茫

但仍然好珍惜在TVB嘅時光

近日佢就發視頻

表示自己要跳出舒適圈

揸緊機會、重新開始

唔知佢之後仲

有冇機會返TVB合作呢？

來源：可樂生活Color微信公衆號

編輯：張子殷

審核：曾敏妍

簽發：駱蘋