過年啦~過年啦

大年初一

祝大家龍馬精神

日日都咁威

♫♪  ♫♪  ♫♪  ♫♪  ♫♪

呐~過年最講意頭噶啦

圈中各位靓靓人妻

都有自己獨特嘅新年儀式感哦

好似帶貨帶到風生水起嘅陳自瑤咁

雖然最近老公王浩信忙住拍劇

但持家有道嘅佢識瓹窿瓹罅

搵到便、靓、正嘅年貨

應節揮春、喜慶衣物

仲有正鬥賀年美食

跟住YoYo教路

就實食冇黐牙啦

人哋逛花街就買花、揀年貨

啱啱升呢人妻嘅陳炜就眼光獨到

帶朱晨麗一邊揀花一邊揀男仔

炜哥趁機問朱朱

早排被人傳來傳去嘅绯聞男友

朱朱就話“順其自然”

呢句可圈可點嘅回答

似乎有所暗示啵~

圈中模範CP

黃翠如&蕭正楠

今個春節有咩搞作呢

話說節前阿蕭就忙住出trip

“丟低”翠如BB一個人

爲咗扮靓屋企好過年

翠如就自己去買年桔啦

一個人“運桔”嘅翠如BB

滿面笑容、春風得意咁

應該係精心布置好屋企嘅年味

等老公落班翻嚟有驚喜

笑容真係sweet到漏蜜啦

前排忙住開show嘅關心妍

過年都好重視儀式感噶

除咗擺花、貼揮春

仲會自己親自下廚煮年夜飯

而囡囡心心會幫手封利是

包到最豐厚嗰封紅包

仲會要求媽咪留俾佢添

小朋友嘅天真爛漫

真係好得人中意

節後關家姐會繼續開show

早前廣州站舞台encore咗兩次

俾咗歌迷好大驚喜

下個舞台一定更精彩啦

過年咁開心

唔知你有冇特別嘅儀式感咧

大年初一

祝大家收多啲祝福

逗多啲利是啦啦啦

來源：可樂生活Color微信公衆號

編輯：張子殷

審核：曾敏妍

簽發：駱蘋