陳家樂自從拉埋天窗

事業運真嘅好旺

呢排啱宣布老婆有喜

就又有新片《出租家人》

要喺香港上映啦

家樂早前喺《金手指》中

飾演有錢太子爺

油頭粉面嘅造型

都俾粉絲唔少驚喜嘎

片中仲同自己嘅偶像

梁朝偉、劉德華合作

俾贊神似劉德華

同梁朝偉有超多對手戲

陳家樂歸演技都hold得住

令觀衆睇到好過瘾

喺《金手指》中

陳家樂大玩純愛橋段

上演霸道總裁愛上小明星

亦讓佢成功狂圈粉

//////

轉身來到新電影

陳家樂化身出租公司老板

生長于破碎嘅家庭嘅佢

向顧客出租嘅係"家人"

從預告來睇

片中角色最終會假戲真做

同顧客産生感情

成爲咗真“家人”

感情戲越演越好

喺接受媒體采訪嘅時候

陳家樂特別提起

同曾志偉嘅合作

大贊對方演技好到驚人

最令家樂佩服嘅係

曾志偉喺埋位之前

仲瞓到鼻鼾大大聲

但一到對佢嗰part戲嘅時候

佢可以即刻起身接台詞嘅

//////

作爲新戲嘅監制

曾志偉接受采訪嘅時候

一直笑笑口

睇落今次拍戲拍得好開心

喺新戲中

佢終于追到“白月光”恬妞

最後仲成爲夫妻

兩人之前嘅合作

幾乎所有劇情都係

佢都追唔到恬妞嘅

呢次有機會做夫妻

兩人都幾有緣分

兩個戲骨+配合默契

好快就入戲、效果亦唔錯

呢次自己做監制

曾志偉就帶住成班夥計

翻TVB《獎門人》做宣傳

同熱播劇《婚後事》嘅班底

“撞”埋一齊玩遊戲

玩啜乒乓球嘅時候

陳家樂意外對上Yoyo陳自瑤

衆所周知

Yoyo係佢老婆連詩雅嘅好姊妹

早前詩雅先po出合照

幫Yoyo新劇谷收視

面對咁尴尬嘅情景

Yoyo都兜得好快

開玩笑咁話：

“借Shiga（連詩雅）老公一用”

都算係對好姊妹嘅即場報備啦

不過呢part遊戲環節

最搞笑嘅應該係

陳家樂同羅子溢

兩人爲咗啜到個乒乓球

一上場就發起猛烈嘅攻勢

單睇呢個狂啜嘅鏡頭

更加容易令人誤會咯~

（Yoyo同其他人睇戲幾認真）

陳家樂今次上《獎門人》

特登著得斯斯文文

原本希望玩啲斯文嘅遊戲

點知《獎門人》可能專登玩嘢

反而安排咗好多體力game俾佢

除咗啜波波

仲要同新戲中嘅女搭檔周家怡

大玩“人肉呼拉圈”

不過周家怡就話

陳家樂係“好腰好腎好男人”

呢種遊戲就難唔到佢

//////

But一講到真·老婆仔

呢位“愛家號”嘅好男人

竟然公開”吐槽“老婆

原來佢係投訴連詩雅

陀住5個月大肚

仍然著高跟鞋上台

而令佢最頭痛嘅係

詩雅爲咗keep住靓靓樣

就算孕期都食得好少

家樂只能成日叫老婆仔食嘢

仲向大家派任務

一齊叫詩雅要食多啲嘢

連佢都覺得自己好煩

好似變咗只“烏蠅”

原來兜咗個圈

三句不離錫老婆

各種“抱怨”其實都係放閃

真係鏡頭內外全都是sweet戲~

來源：可樂生活Color微信公衆號

編輯：張子殷

審核：曾敏妍

簽發：駱蘋