廣州呢排經常橫風橫雨

雷暴加強降水打孖嚟

大家記得帶遮做好防範啦

盡管天氣惡劣

“chok峯”林峯依然現身咗

廣州某水上樂園嘅音樂節喔

當日佢身著簡約白色西裝

似足“白馬王子”咁

出場時遇正大暴雨

見到水中等待多時嘅fans

佢依然笑容滿面

見到林峯出場

全場觀衆瘋狂尖叫

場面都幾墟撼噶

不過林峯就變“淋峯”

同衆人嚟咗場“濕身趴”

一起喺水中演唱

《愛在記憶中找你》

《幼稚未完》等自己嘅“飲歌”

見到佢全身濕透

都毫無包袱咁唱歌

令人谂翻起chok峯

嗰句經典歌詞

“Let's get wet”

被網友猛贊佢十分敬業

~呐~

老婆張馨月冇幾耐前

先同男神王嘉爾開趴打水仗

呢次林峯就同粉絲開“濕身趴”

二人都算係“婦唱夫隨”

峯少再次展示“愛妻號”人設

/////

最近林峯確實忙不停

除了參加商務活動

佢爲新電影《九龍城寨之圍城》

准備五一檔上映密密做宣傳

呢幾日，電影發布

終極海報&預告片

寸頭造型嘅林峯

同劉俊謙、胡子彤、張文傑

組成“城寨四少”

面對黑幫惡人奪城

拼盡全力熱血守護

預告中有唔少片段

都有熱血格鬥場面

除咗有洪金寶、

任賢齊等大咖加入

更令大家驚喜嘅係有古天樂

喺2001年播出嘅《尋秦記》

林峯同古天樂

分別飾演嬴政項少龍

二人相愛相殺嘅劇情

讓觀衆記憶深刻

隔咗20年

兩位再度合作

古天樂從師傅變大佬

同林峯再續“師徒情”喔

兩位藝人演技都有提升

令人期待佢哋飙戲場景

/////

林峯喺前兩年

開始進攻電影圈

喺《神探大戰》中表現出色

同影帝劉青雲幾場對戲

演技都獲網友點like

喺這部新電影中

佢會做個硬漢、從頭打到尾

唔知又會帶畀大家咩驚喜咧？

來源：可樂生活Color微信公衆號

編輯：張子殷

審核：曾敏妍

簽發：駱蘋