日前嘅香港國際影視展上

除咗介紹即將上線嘅新電影

仲有唔少參演電影嘅主創

出嚟做推介

回春嘅林峯就有份上台

除咗力推自己參演嘅電影之外

仲借機介紹埋即將出街嘅

電視劇《家族榮譽之繼承者》

話說呢個故事就係講

家族生意被繼承時

各位家庭成員之間嘅

愛恨情仇

係TVB最擅長嘅爭産、商戰題材

加上佢由大熱劇

《家族榮譽》原班人馬出演

甚至仲有佘詩曼&林峯加盟

無論陣容定劇情

都已經夠曬吸引人啦

雖然佘詩曼因爲檔期問題

就缺席咗今次嘅博覽會

但同佢第6次合作嘅林峯

一上台就表示

自己同阿佘超有默契

仲話每次同佢做對手戲

都覺得舒服同自在

狂數阿佘嘅優點

▓▓▓▓▓▓▓▓▓▓▓░░░░努力加載中……

喺《美味風雲》中

佢兩個曾經假扮情人

一起爲夢想奮鬥

喺明初《覆雨翻雲》

阿佘同風少穿越時空

變身亡命鴛鴦

到咗《歲月風雲》

佢哋兩個同時升呢

做“企業強人”

開啓鬥智鬥勇嘅拍拖模式

《花花世界花家姐》

天真無邪大小孩

同落難二世祖齊齊譜寫

搞笑又sweet的愛情故事

到最經典的《使徒行者》中

釘姐&爆seed有幾chok

睇過嘅觀衆都應該印象深刻

每次只要係佢哋拍檔

大家就知道一定有好戲睇

//////////

然而咁合拍嘅搭檔

原來都有

唔同聲同氣嘅時候

阿佘最近因爲《新聞女王》

成爲大熱並獲得“封後”

演技被全方位認證

被問及至今爲止

曾經扮演過的角色

最唔like嘅一個

阿佘就話係《花花世界》

裏面嘅“花家姐”

喺呢部劇中

佢扮演因病而致智商得10歲嘅

殘障人士

同峯少由互相攻擊

到慢慢理解

最後墜入愛河嘅過程

阿佘唔OK呢個角色

係因爲有人攞佢嚟

同郭晉安演過嘅“阿旺”對比

喺佢心目中

“阿旺”呢個角色實在太經典了

謙虛嘅阿佘覺得自己無法超越

所以佢先唔敢話中意呢個角色

但其實睇過呢部劇嘅人都知道

阿佘將“花家姐”呢個角色

诠釋得非常有生命力

演技好到超乎大家預期

阿佘表面上就謙虛表示

自己演技不如人

所以唔中意呢個角色

但當問起佢

最想重現邊個角色時

佢都毫不猶豫咁

又揀翻“花家姐”

因爲佢自己都認爲

呢個角色太經典

俾咗好多機會佢發揮啰

佘詩曼同林峯合作過咁多部劇

唔知大家最中意邊一部咧

你哋對《家族榮耀之繼承者》

又期待唔期待呢

來源：可樂生活Color微信公衆號

編輯：張子殷

審核：曾敏妍

簽發：駱蘋