近年專注喺內地發展嘅

“唯唯”梁競徽（原名梁烈唯）

最近突然在視頻平台自爆

痛到臥床不起喔

嚇到粉絲們紛紛click入去睇

片中佢解釋

係自己嘅腰傷舊患複發

痛到只能瞓喺張床度

唔喐得喔

片中仲穿插咗一段

拍劇時導致腰受傷嘅片段

原來係佢2017年時

拍攝的《飛虎之潛行極戰》

拍一場撞車戲時親身上陣

點知部車刹唔住掣

將佢成個人撞飛

佢空中翻騰後頭部先著地

當時嚴重到緊急送院治療

好彩最後佢大步𨂾過

生命無虞但腰傷成疾

時隔7年，一發作

仲係會痛到起唔到身

圈中老友曹永廉嚟安慰佢

“唔好咁搏，早日康複”

/////

熟悉唯唯嘅觀衆都知道

佢入行多年飾演過唔少角色

雖然都係配角多

但演技就備受好評

喺《使徒行者》中

扮演林峯嘅好兄弟“木虱哥”

令觀衆都印象深刻

佢嘅性格喺圈中出名nice

待人真誠人緣好好嘅

離開TVB之後

因爲在內地人氣相當唔錯

所以被邀請拍戲、拍綜藝

▓▓▓▓▓░░░░努力加載中……

最近佢終于有機會擔正

喺盜墓題材嘅網絡電影

《黑水嶺》做“男一”

電影已經于3月底上線了

電影講述嘅係

爲救被落藥嘅妹妹

男主同女友、好兄弟

一齊踏上荒島黑水嶺

展開驚險刺激嘅求藥之旅

唯唯嘅角色有勇有謀

喺戲中微表情豐富

演技備受網友稱贊

話“全靠佢救返成部戲”喔

而做到男主角嘅佢

真係十分敬業

就算一啲驚險戲份

都keep住親身上陣

如今佢喺內地

名氣不斷upgrade

有網友就恭喜佢

話佢“離開TVB有前途”

但謙虛低調嘅唯唯

就再三強調

“冇TVB就冇我，

（我）留著TVB的血”

依然將TVB當成自己嘅娘家

這番高情商回應

令佢又獲網友點like

贊佢識得感恩

希望佢以後可以拍多啲劇啦

來源：可樂生活Color微信公衆號

編輯：張子殷

審核：曾敏妍

簽發：駱蘋