前幾日，好多藝人朋友就去咗

參加澳門國際短片節頒獎典禮啦

《家族榮耀之繼承者》殺青冇耐

兩位男主林峯&黃浩然

都去現場亮下相

因爲係短片節

兩位“愛妻號”都趁機

贊下自己太太好識拍小視頻

浩然贊完自己嘅賢內助

仲要贊埋隔離老友

因爲佢話自己太太拍完嘅片

會俾峯少老婆張馨月後期處理哦

從來都係被人吐槽嘅林太

難得有人贊啵

峯少梗係乘勝追擊

大贊老婆最叻P圖同剪片

自己just做個被拍嘅“工具”

原本咧呢波曬恩愛操作

就係好sweet嘅

但有網友發現

峯少甘願做“工具”

張馨月又真係當正佢“工具”啰

話說最近峯少就忙到甩辘

新劇殺青後要准備發力宣傳

喺影展上自己嘅新電影

又官宣定檔“五一”了

而“林太”張馨月就飛咗出埠

join王嘉爾嘅私人party

水著、濕身、打水仗

玩到不亦樂乎

你係唔係覺得

佢同王嘉爾根本就係

兩個大纜都扯唔埋嘅人

但林太就好威水咁

將自己同嘉爾嘅貼面合照

放係C位等全世界都睇到

如果硬要講兩人認識

估計亦係因爲峯少同嘉爾

同爲香港歌手

又同樣係豪門“富二代”

所以一起花咈玩過吧

睇嚟林太就係將峯少當成

佢跻身豪門朋友圈嘅“工具人”

but葡萄網友睇住張合照就覺得

企喺佢隔離嘅嘉爾

都瞬間變得土氣

//////////

喺大家眼中

張馨月就係個賣內衣出身嘅網紅

所以覺得佢依家嘅穿衫風格

有說不出嘅網紅feel

雖然近幾年好多人都覺得

佢刻意模仿吳千語嘅穿搭

甚至連英文名都改成相似嘅發音

但各自氣質畢竟唔同

就算模仿亦係風馬牛不相及

就攞呢場嘉爾嘅私人泳池趴嚟講

現場大部分人都穿黑T襯短褲

林太就一身清涼吊帶裙

露出一截黑色打底褲

從佢自己發出嘅圖片睇

身材纖瘦、有前有後

都算幾養眼嘅

但有網友從另一個角度抓拍

玩至瘋癫嘅林太

生圖嘅腰線唔明顯

下颌線亦較爲松垮

明顯“官圖”係精修過嘅

峯少所言非虛

知佢P圖最叻

點都好啦

大家點鬧張馨月

峯少都依然咁冧佢

大家只係希望

林太可以收斂少少

畢竟佢身份係峯少老婆

一舉一動都會同峯少關聯

唔知大家又點睇咧

來源：可樂生活Color微信公衆號

編輯：張子殷

審核：曾敏妍

簽發：駱蘋