尋晚第42屆香港電影金像獎開波

從紅地氈開始

各路明星就爭奇鬥豔

盡顯自己嘅美態

deep V 透視裝

露背曬蠻腰

谷胸顯鎖骨等等打扮

唔知邊個最得你心咧

相比起紅地氈上嘅精彩紛呈

頒獎禮現場會顯得暗淡好多

大家紛紛換上深色禮服

儀式感十足咁頒發每一個獎項

當晚最具爭議嘅獎項

竟然係“影帝”之位嘅公開

梁朝偉憑借《金手指》

第六次登上“最佳男主角”寶座

因爲朝偉正在德國拍緊戲

所以就將領獎嘅重任

交咗俾佢嘅e人太太劉嘉玲

而嘉玲姐就唔知點解

喺代表先生發言嘅時候

一直講佢好偉大

句句都捧到朝偉上天咁

i人屬性嘅朝偉

嚇到不停提醒嘉玲姐

自己唔偉大，just好演員

原本就有好多人

唔太滿意朝偉再攞“影帝”

加上嘉玲姐“煽風點火”

網友就更加有意見啦

雖然大家都知道

朝偉嘅演技有口皆碑

佢嘅努力亦有目共睹

但大家就一致認爲

《金手指》令人非常失望

甚至覺得部電影

嘥咗一班好戲之人

唔少網友就覺得

攞咗“最佳影片”嘅

《毒舌律師》男主角

黃子華更值得攞“影帝”

子華神本人

更因爲以爲部電影冇獎

而覺得對唔住創作團隊

發表獲獎感言嘅時候

忍唔住哽咽咗添

子華嘅感恩團隊

就顯得朝偉的“個人偉大”

有啲自私嘅感覺啰

另一位呼聲好高嘅

“影帝”提名演員

就係啱啱上映嘅《白日之下》中

男主角林保怡啦

雖然有人話佢

喺電影中嘅鏡頭不多

但每一幀都表現出佢嘅好演技

連眼神都充滿情緒

喺佢失落“影帝”之後

TVB旗下嘅平台

即推出po“安慰”佢

話電視劇已經

認證咗佢嘅演技

平台更放出

林保怡喺《天與地》中嘅片段

肯定佢喺影視界嘅地位

網友調侃到

TVB識得蹭呢波熱度

先係今次最大贏家

//////////

引發爭議嘅唔止今次嘅“影帝”

仲有成爲“影後嘅”余香凝

有人覺得佢實至名歸

而且覺得年輕新人攞獎

可以爲電影圈

注入更多嘅新活力

有人就覺得呢類新人獲獎

同過往“稱帝”“稱後”嘅演員

level差得太多

再次顯露香港影視圈

青黃不接嘅境況

今次嘅“影帝”係咪實至名歸

“影後”夠唔夠資格

各種“最佳”係咪真係咁佳

大家又點睇咧

靓SHOW開售

艾怡良巡演【廈門站】

艾怡良巡回演唱會

《不想忘記的名字》

深圳、廣州站開賣即售空

冇搶到票嘅fans唔使擔心

艾怡良又官宣咗新嘅城市

7月12號廈門站

仍有余票在售

快來“可樂生活”官方抖音號

買飛啦

來源：可樂生活Color微信公衆號

編輯：張子殷

審核：曾敏妍

簽發：駱蘋