最近媒體探班《非份之罪》

咁啱就係何沛珈

同我哋個friend劉佩玥嘅對手戲

劇情講到兩人

因爲傾唔埋數而大打出手

咪睇佢兩個都係

外表嬌滴滴嘅甜妹

喐起手十足警匪動作片噶

飛腳踢、趴地拖行等等

樣樣姿勢出衡力、做到位

劇組都好肉緊

幫佢哋穿好曬護具

確保大家嘅安全

▓▓▓▓▓▓▓▓▓▓▓░░░░努力加載中……

喺最近幾部熱播劇中

何沛珈都有客串演出

雖然鏡頭不多

但因爲樣靓身材正

唔少觀衆都關注到佢

之前佢演出嘅角色

大多數都係懵懵哋嘅護士

或者有委屈唔敢出聲嘅受害者

嚟到今次嘅《非份之罪》

佢唔單止戲份大增

仲變身“惡女”同劉佩玥惡鬥

而平時做過好多“打女”嘅

阿Moon就話

公司就係睇中佢捱得

所以經常安排呢類角色俾佢

好似之前嘅《隱形戰隊》

佢就同劉穎镟一起被“綁架”

受到“非人對待”

喺《逆天奇案》裏面

生前命運悲慘

結局si得淒涼

樂觀又敬業嘅阿Moon

有好好把握呢啲機會

演技得到大家肯定

喺前年，佢憑《美麗戰場》

喜提“馬來西亞最受歡迎女主角”獎

舊年亦因爲《隱形戰隊》

入圍“最佳女主角”最後五強

有機會同佘詩曼爭“視後”

新一年

阿Moon又投入新劇

用行動證明自己好捱得

//////////

其實喺早前一個采訪中

阿Moon就自曝

今年TVB頒獎典禮期間

佢突然失聲

完全講唔到嘢

因爲查過類似案例

佢就擔心突發失聲

會影響自己聲線

演唔到戲又唱唔到歌

因此斷送演藝生涯

佢自言踏入龍年

身體大小毛病不斷

生病期間真係好無助

被驗身報告啲指數嚇一跳

佢意識到係身體發出警報

而身體健康關系到

佢是否能有更好的事業發展

所以下定決心要養好身體

特別見到依家嘅

佘詩曼、李施嬅等前輩

依然狀態fit爆

阿Moon更加扚起心肝

養好身體keep住狀態

希望自己未來

都可以好似佢哋咁靓咁精彩

//////////

做藝人肯捱肯搏確實係好事

但一定一定要注意安全

照顧好自己嘅身體

咁先可以喺大家面前

展現自己最perfect嘅樣子

來源：可樂生活Color微信公衆號

編輯：張子殷

審核：曾敏妍

簽發：駱蘋