上個月正式升呢爲

“二胎爸爸”嘅洪永城Tony

忙到飛起喔

佢先係做翻個“愛妻號”

細心照顧啱啱生完B嘅

老婆梁諾妍

跟住又做個“湊女公”

眼裏只有尿片、天花板同奶粉

晚晚通宵湊B

搞到睡眠嚴重不足喔

除咗照顧屋企人

Tony仲要入組拍

陣容堅·把炮嘅《執法者》

呢部劇既有三“視帝”

陳豪、馬國明、黃宗澤

又有“視後”宣萱、劉佩玥

陣容犀利程度讓人好期待

而洪永城自爆話

喺劇中佢會飾演一個“霸道總裁”

著西裝、打呔，chok到爆咁

做完訪問轉個頭又發花絮

自嘲自己“太猥瑣”被關住

呢個角色嘅反差感

令網友直呼好期待咯

~呐~

Tony呢邊積極賺奶粉錢

嗰邊忍唔住繼續“風流”

近排，Tony搭埋三個靓女

何沛珈、宋宛穎、魏韻芝

一起錄制節目《早D知早D醫》

一向口甜舌滑嘅佢

更毫不顧忌咁話

拍呢個節目幫佢成功減壓

爲人生增添色彩喔

~呐~

先前拍戲嘅時候

Tony就經常被人吐槽“猥瑣”

主持時不顧形象底褲外著

遭朱晨麗“投訴”自己加戲亂摸

……

今次升呢做“湊女公”後

似乎就收斂咗

獲得一衆搭檔嘅靓女贊賞

透露佢一得閑就抽時間

去陪老婆做産檢嘅

而且佢爲咗屋企人嘅健康

主動向醫生“抄牌”

想了解更多充足嘅醫學知識

Tony更爲咗賺奶粉錢

仲出埋屎橋

自封爲“電視城醫生中介人”

話如果同事有不適

佢可以轉介畀醫生、收中介費喔

如今Tony三句不離屋企人

睇嚟佢已經收起“猥瑣”

努力keep住自己嘅

“好爸爸”&“好老公”形象啦

well~

見到Tonykeep住

做好“老公”呢分job

大家慢慢對佢嘅印象有改觀

觀衆緣好咗

收視率都會好啲？

等我哋一起期待佢嘅

新綜藝&新劇集啦！

來源：可樂生活Color微信公衆號

編輯：張子殷

審核：曾敏妍

簽發：駱蘋