前兩日

電視劇《黑色月光》殺青

各位主創完成3個月嘅拍攝任務

到咗要結束嘅時候

大家都表示好唔舍得

兩年前嘅《家族榮耀》

楊茜堯複出引發大家關注

再次參演呢種

複仇類嘅商戰片

大家對佢嘅期待值就肯定拉滿

加上今次佢仲同

過氣“視後”林夏薇搭檔

“雙後”同台飙戲

想唔精彩都幾難

劇集終于殺青

茜堯就表示要回歸家庭了

因爲已經懂事嘅囡囡發出投訴

要求佢唔好再返工

所以接下來

佢會先回到“媽咪”身份

將出門賺錢嘅機會

留翻俾老公羅子溢了

而喺男主角方面

就有“話題視帝”王浩信出演啦

恰逢最近佢太太主演嘅《婚後事》

就大團圓結局咗了

大家梗係關心佢拍完戲

係米就翻屋企陪老婆啦

以前一提及Yoyo

浩信就會含糊應答

或者各種回避問題嘅

但今次佢就大大方方咁話

爭取喺下一個job前

留啲時間陪下屋企人哦

浩信仲講咗一句

有啲意味深長嘅說話

話要花啲時間抽離個角色哦

唔知大家仲記唔記得

當初Yoyo宣傳《婚後事》嘅時候

都有話自己好投入角色

觀衆亦太投入劇情

所以引發咗“不必要”嘅誤會

睇嚟今次浩信要演繹嘅嘢

應該都幾沉重下哦

所以要抽離嗰角色

先可以好好咁

同屋企人共聚天倫啦

▓▓▓▓▓▓▓▓▓▓▓░░░░努力加載中……

話說《黑色月光》先啱啱殺青

加上“一王兩後”嘅重磅陣容

睇怕都要留到年底

作爲台慶劇先出街啦

可能知道大家

焦急見到靓仔浩信

所以由佢主演嘅

一部豎屏網劇今晚就會

搶先上線同大家見面啦

從預告片可以睇到

呢個故事應該發生喺民國時期

浩信成個臥底咁款

角色係亦正亦邪嘅

片中有唔少打鬥 、流血嘅場面

呢部劇原本定檔喺新年嘅

可能因爲有呢類“限制級”內容

就押後到依家先播

聽講呢部網劇

因爲選擇用豎屏拍攝

所以鏡頭會特別focus

喺演員嘅面部表情上

導演就大贊浩信眼神淩厲

淩厲到嚇親在場嘅工作人員

不如我哋今晚就睇睇

究竟係咪真有咁犀利啦

來源：可樂生活Color微信公衆號

編輯：張子殷

審核：曾敏妍

簽發：駱蘋