伍允龍

《九龍城寨之圍城》開畫4 日已經錄得千五萬票房，昨日一衆演員到戲院謝票時，竟然有觀衆向伍允龍「郁手」！伍允龍今日（ 5 日）就事件回應，稱「昨晚謝票事件，多謝大家關心，我沒事的，只是一下沒防備被推低，好明顯這位觀衆看得太投入，以爲我是王九（戲中角色），今次演技都有些突破，透過這件事知道很多網民、朋友及觀衆都很關心我，令到我很窩心，現在大家應將焦點放在電影《九龍城寨之圍城》上，留意我的角色王九，多謝大家。」

據知事發于將軍澳一戲院，片段所見，一名似乎好想參與「寸勁」示範慨觀衆，喺伍允龍准備時已經「露兩手」擺架勢，更出腳踢向伍允龍，現場觀衆睇到嘩嘩聲，但伍允龍似乎好淡定冇理會。

到伍允龍搵呢位男觀衆示範「寸勁」時，男觀衆又似乎「肴底」叫身後慨林峰頂一頂，而伍允龍一出招當堂將男觀衆震到退後幾步。

示範完，男觀衆伸手想同伍允龍擊掌，但竟然出陰招，趁伍允龍唔提防之下用膊頭撞跌伍，之後仲問伍「你系咪輸俾我！」，嚇到工作人員即刻帶走該名男子，而林峰亦幫手解圍著男觀衆唔好沖動。伍允龍被撞後未有反擊，用返戲中慨角色設定講笑話「你地睇到啦，我唔識神打架」。

《九龍城寨之圍城》上映至今，首天票房極速沖破500 萬，是曆年來香港電影開畫日票房第2 位，截至昨日上映4天，票房突破1500 萬元。除了昨日發生的小插曲，主創團隊亦與現場觀衆互動，有觀衆向林峰送上戲中的卡通面具及朱古力眼鏡，林峰即席戴上娛賓。

衆演員亦分享，原來此場戲各人的面具是自己選擇，張文傑說：「我哋該場出場動作都系自己揀。」林峰透露：「打麻雀嗰場戲都系冇劇本，仲要導演同我都唔識打麻雀，好彩有技術指導（指著胡子彤），場戲系交待四兄弟生活上的事情。」

該名男觀衆自動請纓體驗伍允龍使出慨寸勁