張頌文前日

帶住自己首檔慢綜藝

《燦爛的花園》上線啦

綜藝一播出

觀衆被張頌文嘅真性情

猛圈一波粉

喺《狂飙》中

佢係奸詐狠辣嘅“高啓強”

現實中就溫柔兼有趣

仲經常喺平台同粉絲交流

之所以有呢檔節目

竟然係因爲佢發嘅一條微博

張頌文po文話：

自己嘅農家小院要拆，

非常唔舍得。

這個留言成功引起咗

佢粉絲&節目制作人嘅注意

跟住量身定做整咗呢個

關于花園嘅慢綜藝

節目一開場

張頌文即時表明態度

霸氣表明自己

“我的人生不是按劇本來的”

唔跟劇本安排

張頌文即時放飛自我

上一秒仲傾緊要拆嘅花園

下一秒就停車跑去羊群中

徒手揸羊糞

喺買花嘅時候

又同阿婆大戰三輪

據理力爭咁討價還價

搞到阿婆都忍唔住吐槽

張頌文太孤寒

對成日都有靈光一現嘅

張頌文

攝影師都搖曬頭

話跟唔上佢嘅跳躍思維

節目第一集仲變成

《張頌文和他的朋友》

因爲張頌文叫來周一圍、

林家川、馬嘉祺、曾舜晞等

自己嘅老中青摯友

爲迎接全場最後生嘅馬嘉祺

佢化身溫暖好爸爸

提前幫馬嘉祺縫好被

講起一啲舊時回憶

張頌文更感動到

忍唔住流眼淚

一集節目落嚟

將“慢”字進行到底

令觀衆都跟住放慢節奏

不過有觀衆就覺得

呢個節目拍到同

停播嘅《向往的生活》

好相似啵

做咗七季嘅《向往的生活》

被稱爲“慢綜藝”嘅天花板

于前年宣布停播

當時嘅節目內容

集集都差唔多

請來嘅“好朋友”

越來越陌生

睇到大家審美疲勞

呢次嘅《燦爛的花園》

雖然一樣係慢綜藝

但無劇本嘅真實感

帶住大家跟住張頌文嘅

跳脫思維來走

成日會有出其不意嘅驚喜

全程有笑有淚

打開咗慢綜藝嘅新賽道

最近節目熱度不斷飙升

well~

唔知大家對張頌文呢部

“新式慢綜藝”感唔感興趣咧

大家又有冇自己中意嘅慢綜藝？

歡迎喺評論區話我哋知啦

來源：可樂生活Color微信公衆號

編輯：張子殷

審核：曾敏妍

簽發：駱蘋