前段時間

網傳霆鋒嘅大公子

Lucas謝振軒

同自己嘅滑雪教練撻著

玩起咗“師徒戀”哦

張柏芝雖然唔反對仔仔拍拖

但因爲兩人年齡差距實在大

激到頂唔順、入埋醫院添

早前就有人數過

柏芝已經“消失”咗近3個月啦

最近只出席過一次商演

最近有港媒出嚟幫佢哋澄清

話Lucas都未成年點會拍拖

而且柏芝亦冇住院

全部都係謠言啰

▓▓▓▓▓▓▓▓▓▓▓░░░░努力加載中……

呢件事擾擾攘攘咗幾日

柏芝嘅前夫、Lucas嘅爹地

真係完全冇關心佢哋啦

原來霆鋒自己都一身蟻

唔得閑理呢啲

子虛烏有嘅雜事

金牌導演劉偉強

本來就谂住約埋霆鋒

強強聯手咁

打造一部全新嘅電影

大家都知劉偉強曾經打造

《無間道》《中國機長》等

脍炙人口嘅經典大片

霆鋒自己亦有

《怒火·重案》呢種

驚豔大家嘅佳作

兩人合拍一定實食冇黐牙嘅

但如今港産片市場

有啲阻滯

之前陣容好把炮嘅《爆裂點》

票房都不如預期

令到投資者都在觀望

礙于資金問題

唔少影視作品都擱淺咗

最近沸沸揚揚嘅《反黑2》

傳聞都已經係停工狀態

仲有已經壓箱底多年嘅

《風林火山》

《尋秦記》等作品

拍攝期間都耗資巨大

後期制作依需資金

至今似乎未有下文

資金唔到位

劉偉強&謝霆鋒

再有宏才偉略

都係舉步維艱

兩人亦唔敢貿然行動

防止“攬住一起死”

//////////

據聞霆鋒自導自演嘅

《怒火漫延》

請到劉德華坐鎮

認真把炮

呢部電影按原來計劃

農曆新年之前就殺青

但就拖到上個月先完成

超時就意味著超支

相信霆鋒對此都好頭痕

大家都知道

霆鋒除咗係導演、係演員

仲係一個廚師啦

之前佢爲宣傳自己個品牌

去咗煮菜俾一個網紅食

結果得到“很一般”嘅評價

霆鋒唔單止冇嬲

仲謙虛咁話

呢個新品仲喺測試中

所以未有太大亮點哦

睇得多短視頻嘅朋友

都應該feel到

呢個視頻係做效果嘅

彈個菜品一般

可能係爲其他産品做鋪墊

除咗拍電影

仲要落力sale自己個品牌

配合營銷做效果、拍視頻

一堆業務夠佢忙到甩辘啦~

來源：可樂生活Color微信公衆號

編輯：張子殷

審核：曾敏妍

簽發：駱蘋