等咗好耐嘅

情感大戲《婚後事》

下星期一終于要出街啦

衆所周知

呢部劇集尺度超大

講婚事又講情事

拍攝嗰陣仲緊跟“時事”

戲內戲外都夠曬刺激

呢部劇由多位已婚藝人演繹

劇情又圍繞婚變情變展開

宣傳嘅時候就引發唔少爭議

近日

6位主演現身路演做宣傳

現場爆料咗多起“婚變”啵

//////

陳自瑤同羅子溢喺劇中

演一對“女強男弱”嘅夫妻

男方婚內出軌

呢個選角就幾耐人尋味

大家都知

陳自瑤同王浩信嘅“婚變”

紛紛擾擾傳咗好多年

所以參演藝人接受采訪時

Yoyo咬牙切齒咁

嗌出“出軌”兩字

唔單止嚇親旁邊嘅羅子溢

連睇戲嘅觀衆都唔淡定啦

不過

Yoyo馬上兜返話只係講緊角色

羅子溢馬上松口氣

表示自己唔贊成角色所爲

而且現實中都唔敢咁做

但現場媒體記者

就唔肯放過呢個話題

因爲早前王浩信

頻頻提起老婆並向對方示好

仲話情人節陪老婆過

令大家懷疑兩人已經和好

但Yoyo就只係

曬出同“財神”嘅合影

仲話“情人節同財神約會”

完全冇提過王浩信

引起大家質疑：

“係唔係兩人冇統一口供？”

聽到呢個問題

Yoyo肉眼可見嘅尴尬

話自己“沒看王浩信說了什麽”

避談夫妻之事

間接“踢爆”對方嘅“追妻戲碼”

旁邊嘅羅子溢

同樣都尴尬到扯開話題

各種求關注幫手解圍

算係落力護住“兄弟妻”

我哋講翻呢部劇

早前有Yoyo半裸嘅畫面流出

據說呢種大尺度場面

據聞並唔係點到即止

而係要拍曬全過程嘅

而且拍攝時導演顯示屏前

仲有好多人圍觀

所以Yoyo話會怕醜

拍攝時要借酒壯膽

不過羅子溢就表示

自己係“借位高手”

讓Yoyo大可以放心

雖然羅子溢氹掂Yoyo

但嗰啲大尺度嘅畫面

仲沒俾老婆楊茜堯“過審”嘎

羅子溢坦白

自己早前攞吻戲俾老婆“試水”

點知慘遭嫌棄

之後會更多片段播出

佢返屋企要唔要准備定榴蓮殼？

//////

另外

仲有兩位“人夫”“人妻”

黎諾懿＆賴慰玲

在劇中都貢獻咗好多激烈嘅場面

采訪時仲互認對對方産生好感？

黎諾懿話賴慰玲

畀佢一種老婆嘅感覺

賴慰玲直言驚劇集影響

自己嘅夫妻關系

黎諾懿在劇中

飾演一位“多金渣男”

同拜金嘅賴慰玲上演

婚內三角關系

據說兩人拍戲時長時間

“孤男寡女”共處一室

拍到撕心裂肺

望住對方就會落淚

而且兩人有段

浴缸裏赤身“鴛鴦戲水”戲

拍攝時仲出咗“事故”

原來係賴慰玲落水後

“遮身”嘅膠紙居然甩咗

好在黎諾懿化身“chok泡機”

整出好多“愛的泡泡”遮住body

避免咗走光

兩人仲立咗flag

話收視破25點就

親身示範“筲箕chok泡”

如果破30點就

重演嗰幕浴缸戲

鑒于呢部劇太現實

黎諾懿話要瞞住仔仔

唔畀佢睇呢出戲

畢竟賴慰玲經常上門

到時候引起誤會就弊了

Well~

演員演繹時投入真情

觀衆睇戲先夠過瘾

不過拍戲時就算動作再親密

對演員都just工作嚟嘅

大家都係期待一下

《婚後事》嘅劇情

同藝人們嘅表現啦！

來源：可樂生活Color微信公衆號

編輯：張子殷

審核：曾敏妍

簽發：駱蘋