TVB新劇《武林》尋日試造型
睇劇名以爲係一部古裝功夫片
但見一班演員現身
先知原來係現代劇嚟嘅
話說呢部劇
係就講現代都市各行各業裏面
隱藏嘅武林高手
有美容師、的士佬、交通疏導員等
各位都有自己擅長嘅技能
甚至有人精通十八般武藝
睇嚟劇情都係會講
佢哋用呢啲技能
打救苦主或者尋寶之類
講講下個劇情
大家就越發覺得似曾相識
再認真谂谂
就同之前五毫子特效嘅
《新四十二章》已經好相似
再睇睇個藝人陣容
有遊嘉欣&周嘉洛
加上邝潔楹、鄭子成、蔣祖曼
妥妥又係《羅密歐與祝英台》嘅
(除大主角外)原班人馬了
大家都喺淩亂之際
發現原來今次《武林》嘅監制
咁啱就係以上兩部作品嘅監制
陳維冠老師
可能監制自己都feel到
連續幾部戲嘅劇情&陣容
都好相似
所以今次特別安排咗
大家喺造型上都有啲改變
周嘉洛早前被人批評話
部部劇、個個角色都係“金城安”
所以今次特別裁咗個“板栗頭”
俾人感覺佢智商麻麻哋
遊嘉欣就剪去一頭長發
留咗個幾顯老嘅發型
據說佢唔舍得啲長發
喐手嘅時候幾乎喊出嚟
邝潔楹今次唔係爆炸頭
又唔係傲嬌小公主
身穿紅綠配嘅誇張造型
好難估到佢今次角色的定位
喺一衆演員之中
最受大家關注嘅當然就係兩位
領銜主演嘅大主角
高海甯&黃智賢啦
早前高ling就有透露過
自己將會參演一部功夫片
原來喺呢部《武林》入面
佢就係嗰個武功高強嘅美容師
難怪佢嘅造型咁索仲咁神秘
據聞高ling爲咗呢個角色
特別花時間去練一字馬
但因爲自己中意吃餃子蘸醋
戒唔到醋、目前筋骨未夠松
而男主黃智賢從造型上睇就比較普通
但佢就透露自己喺劇中會“裸奔”
突破之大令佢有心理壓力
自己爲咗呢場戲
都喺度努力keep緊身材
兩人喺劇中就互爲前度
分手CP就最興搞啲
藕斷絲連、余情未了嘅戲碼噶啦
所以應該都幾有火花
由于兩人實際年齡幾乎差成廿歲
高ling保養得宜又圓面顯嫩
黃智賢今次嘅look會兩鬓花白
望落有“父女戀”嘅即視感啦
雖然有“最佳女配角”做保證
但唔少網友依然對陳監制嘅作品存疑
因爲《新四十二章》&《羅密歐》
被好多人吐槽不知所謂
唔知大家會唔會期待
“最佳女配角”得獎後
首部擔正嘅現代功夫片咧
來源:可樂生活Color微信公衆號
編輯:張子殷
審核:曾敏妍
簽發:駱蘋